Џафери најави дека ќе го спроведува Законот за јазици

Објавил: Узунов Бобан | 23 јануари, 2019 13:36

Џафери ќе ги води седниците на албански јазик

Фото/Текст извор: ©магазин

Претседателот на македонскиот Парламент Талат Џафери од крајот на месецов, по завршување на подготовките, ќе почне да претседава со пленарните седници на албански јазик

Ова го најави одговарајќи на новинарски прашања по средбата со претседателот на црногорскиот Парламент Иван Брајовиќ.

-Не се раководам од очекувањата, во смисла кога. Моите одлуки зависат од мене и од тоа кога ќе ценам. Секоја активност има потреба од подготвителен период, а порано кажав дека тој период ќе трае до крајот на месецот за да може да се организираат службите и за да може да се спроведе целосно и квалитетно одредбата од Законот за употреба на јазиците во смисла на водење на седниците. Како што знаете претходно јас сум ги користел комбинирано двата јазика без оглед дали законот беше во сила или не. И кога не беше донесен законот при првото водење на седницата во 2017 година ја водев комбинирано, значи немало пречка околу тоа. Но работата е што како законодавен дом ги чекавме сите пердуслови во однос на она што е законска рамка во легална смисла да се води седницата, рече Џафери.

ВМРО-ДПМНЕ поднесе кривична пријава за неуставно објавување на законот за јазици, но Џафери нема да чека да се произнесе Венецијанската Комисија ниту пак Уставниот суд за да го спроведува законот.

За тоа дали постапката на Владата во врска со испраќањето на Законот за употреба на јазиците до Венецијанската комисија е спротивна на Уставот, Џафери рече дека тоа не е противуставно

-Постапката за утврдување на кој било законски проект во соодветната европска комисија не е во никаква спротивност со Уставот, рече Џафери и упати на Владата за поконкретни одговори бидејќи тоа не е во надлежност на Собранието туку е владина одговорност.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести

Во обвинителството се наоѓа и СМС порака помеѓу Заев и лице кое од него бара пари додека Заев му посочува да оди во седиштето на СДСМ каде и од кого ќе ги добие парите. Парите ќе му бидат исплатени во општинската зграда во Струмица од извесни Љупка и Кате.

„ЛА ВЕРИТА“ 2 ДЕЛ: ВИЦЕ ЗАЕВ НАРЕДУВАЛ „ДОЈДИ ВО ШТАБ ЌЕ ТИ ДАДАМ ПАРИ ДА ГЛАСАШ НА ИЗБОРИТЕ“ – Илјадници евра фрлени за поткуп на гласачи во Струмица

Од она што го видовме на „Ла Верита“ во изборните манипулации не бил вклучен само...