Во период од една недела, ова е втора авионска несреќа во Алјаска на летало од „Такуан Ер”.

Во авионска несреќа на Алјаска загинаа две лица, кога хидроавион на авиокомпанијата „Такуан Ер”, во кој се наоѓале пилотот и патник, се урна во пристаништето Метлакатла, недалеку од градот Кечикан, во југоисточниот дел на оваа американска сојузна држава.

Се уште не се објавени околностите за оваа трагедија. Како што соопштија локалните власти, настраданите биле единствените лица на летот на „Такуан Ер”.
Летало на „Такуан Ер” учествуваше во судир на два хидро авиона во североисточниот дел на Алјаска претходната недела. Во несреќата загинаа шест лица – едно од авионот на „Такун Ер” и петмина од друг авион.

Истрагата за авионската несреќа се уште е во тек и се спроведува од страна на федералната агенција за безбедност.

Беа повредени 10 лица и сите беа американски државјани, а патниците на двата лета беа гости од бродот „Присес Крусес”.

Алјаска преставува најголема држава во САД зафаќа површина од 1.717.855 km², и на тој простор живее население од 663.661 жители. Нејзината територија е составена најмногу од планини, на кои има активни вулкани и многу ледници. Во Алјаска се наоѓа највисокиот врв во Северна Америка Макинли висок 6.149 м. Климата на Алјаска е супполарна, а во делови на приморјето застапена е и умерено континентална клима. Најголема река во Алјаска е Јукон, таа има и многу езера.