Од 15 јуни австриската авиокомпанија AUA ќе ги обнови закажаните летови кои беа прекинати поради пандемијата на вирусот корона, а од 22 јуни ќе ја обнови трасата кон Белград.
AUA, која е во сопственост на германската Луфтханза, прво ќе ги обнови летовите до 37 дестинации, меѓу кои сè уште нема во прекуокеанските земји.
„Веднаш штом имаме доволно патници на кратки и средни линии, ние исто така ќе понудиме прекуокеански летови. Тоа би можело да биде во јули“ рече членот на Управниот одбор на AUA, Андреас Ото.
Според најавите, летовите ќе ги извршуваат малите авиони Ембраер 195 и Даш 8.
Авиокомпанијата го прекина сообраќајот кон средината на март, додека дел од возниот парк продолжи да лета, но не во патничкиот сообраќај, туку во транспортот на медицински материјал.
Патем, пред пандемијата, AUA ги прекина летовите само еднаш во својата 60-годишна историја, а тоа беше во 2010 година заради облаците од пепел по ерупцијата на вулканот во Исланд, Ејафаjalајекул, а потоа паузата траеше само неколку дена.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.