Статусот на македонскиот јазик кој до скоро беше сигурен и заштитен според европската терминологија и прогласен за државен јазик за сите институции сега се нарушува, изјави академик Катица Ќулавкова во нејзиното гостување во емисијата „Само вистина“.

Таа праша ако е точно дека со Преспанскиот договор потпишан од Владата на СДСМ се зацврстил идентитетот тогаш зошто Македонската академија на науките и уметностите треба да го промени своето име.

Ако е точно дека ние сме го зацврстиле идентитетот, тогаш зошто ние треба да го смениме името на МАНУ, праша Ќулавкова.

Таа смета дека акронимот МАНУ не смее никако да се промени бидејќи преку тоа име е позната институцијата.

Ќулакова рече дека никој во државата не бил овластен и немал мандат да потпишува таков договор во смисла на тоа дека предмет на договори со Грција под капата на ОН беше името на државата, но не и дефиниција на македонскиот идентитет, воведување на два идентитета, еден во Македонија, еден во Грција, изјави академик Ќулакова.