Министерот за здравство Венко Филипче во интервју за „360 Степени“ зборуваше за очекуваното зголемување на бројките на заразени од коронавирусот и за мерките коишто се планираат за спречување на ширење на заразата.

Во текот на летото направивме еден план за рестрикции и имплементирање на рестрикции кои прво може да се таргетирани во одредени делови на земјата, па да важат за градови, општини итн…

Сега сметаме дека е време да се воведат мерки на територијата на целата држава за носење маски и почитување на дистанца, односно забрана за групирање. Следните мерки коишто доаѓаат во предвид се – прво ограничување во делот на јавниот превоз, понатаму, скратување на работното време на одредени компании, пред се угостителски објекти и секако, како последна мерка би била рестрикција во движењето насекаде.

Морам да потенцирам, ако луѓето се придржуваат кон овие мерки ќе ги избегнеме тешките рестрикции“, вели Филипче.

„Во текот на вчерашниот ден имавме средба со независна угостителска комора коишто бараа да се отворат ноќните клубови и да се одржуваат свадби. Апсолутно сметаме дека е тоа неприфатливо. Свесни сме притоа дека доколку има мерки коишто ние ги препорачуваме и некои од компаниите трпат некаква штета, дека тука е државата да им помогне и финансиски и со соодветен план за поддршка. Во таа смисла ќе се одржат и состаноци со економските сектори, со премиерот лично за да им се укаже на тоа колку е битно да се почитуваат овие протоколи. Дека токму на тие настани коишто тие бараат да се одржуваат се случуваат прекршување на мерките и имаме мини кластери од таквите настани“, вели министерот!