Според извештајот од Европскиот центар за превенција и контрола на болести, најмногу заболени има во Грција, Франција, Италија, Романија и во Велика Британија, каде што се евидентирани 85 проценти од сите случаи. Од мали сипаници починале 33 лица оваа година.

Процентот на вакцинација е во земјите е помал и затоа сипаниците со голем интензитет се шират во Европа изјавуваат од Европскиот центар за превенција и контрола на болести.
Во Република Македонија во 2017 година се регистрирани вкупно 19 случаи на мали сипаници,а десет од нив се поврзани со епидемијата на територија за центарот за здравје во Скопје. Останатите беа поединечни случаи,пријавени од Скопје и по еден од Струга,Прилеп и од Тетово соопштија од Центарот за јавно здравје.

Според нивни информации и според возрасната група, десет деца се на возраст до четири години, по еден случај припаѓа на возрасните групи од пет до девет, 15-19 и 20-29 години, два се од десет до 14 години и четири случаи се возрасни, над 30 години.

Во 2018 година, најголем број регистрирани случаи на мали сипаници се од територијата на Дебар, 20 лица се жители на територијата на Центар за јавно здравје – Скопје, по два од случаите се од Охрид и Куманово, а по еден случај е од Тетово и Струга. Според распределбата по пол, 28 лица се машки, 23 женски.