Албанската министерка за здравство Огерта Манастирлиу најави дека мерките за спречување на ширење на коронавирусот ќе бидат засилени во следните 10 дена и дека ќе се воведе полициски час од 24 декември до 5 јануари, кој ќе важи од 20:30 до 6 часот наутро.

Таа на прес-конференцијата рече дека во тој период земјата ќе биде во таканаречената блокада.

За тоа време, баровите и рестораните нема да работат, а агенциите за доставување храна или службите за итни случаи се изземени од мерките.

Мерките ќе важат само за време на претстојните празници од страв од ширење на вирусот корона.

– Бидејќи влеговме во период на одмори, врз основа на проценка на ризик што ја носат собирите и зголемувањето на контактите, по анализа на состојбата донесовме неколку одлуки. Така, почнувајќи од 24 декември до 4 јануари ограничувањето на движењето на населението ќе биде од 20:30 до 06:00 часот наутро. Од ова се изземаат службите за инти потреби и медиумите.Од петти јануари полицискиот час се враќа од 22:00 до 6:00 часот,рече Манастирлиу.