Зијадин Села, лидерот на Алијансата за Албанците, денеска се огласи по предлогот на ДУИ.Имено на изјавата на Османи дека имаат 5 главни столба за преговори со албанските партии, Села рече дека го отфрла предлогот за „албанската платформа“.

Алијансата исто како и Османи преку пет столба, му одговори зошто ја отфрла понудената платформа за преговори:

1. ДУИ продолжува да биде најразединувачкиот политички субјект до денес. Експонентите на ДУИ, нашите 12 пратеници од Коалиција меѓу Алијансата и Алтернатива, ги претставуваат како 8 + 4.

2. Не се фаќај за рака со Лубе Бошковски за да добиеш глас повеќе и да се повикуваш на легитимноста на Албанците.

3. Не кради гласови и не ја купувај слободната волја на Албанците, за утре да се повикуваш на некредибилен легитимитет.

4. Не ги лажи Албанците, со столбови и со билети, туку исполни го вашето единствено ветување, ветувањето за премиер Албанец, за кое баравте гласови од Албанците.

5. За петтиот столб ја прашуваме ДУИ: Каде бевте вие кога беа направени уставните измени?

„На Албанците не им требаат вашите столбови, чувајте ги за себе, како и вашите ветувања до граѓаните што ги напуштате веднаш штом ќе завршат изборите – вели Флакрон Беџети“, портпарол на Алијансата за Албанците.

-Многу е важно да се согласиме за оваа албанска платформа во политичката трка која треба да биде постојана за албанската политика, рече вчера Османи.