Три амбуланти возила со жртви кои ги изгубија животите во изгорената модуларна болница во Тетово, пристигнаа во Скопје, во Институтот за судска медицина.

Се уште не е утврден точниот број на настрадани во пожарот, во кој изгоре целата модуларна болница каде беше сместен ковид центарот со пациенти кои се лекуваа од вирусот.

Кризниот штаб кој се оджа вечерва, најави итна владина седница изутрина.

Обвинителите излегоа на местото на несреќата и увидот е во тек.

Пожарот избувнал околу 21 часот, по што следувале и неколку експлозии, веројатно предизвикани од боците за кислород. Во модуларната болница во тој момент имало 24 пациенти болни од ковид и непознат број медицински лица.

Веднаш реагирале пожарникарските служби кои дошле на местото со седум возила, но не успеале да ја спасат болницата од целосно уништување.