Американската амбасадорка му го честиташе мандатот на Заев

– Честитки до Зоран Заев за мандатот за формирање влада на Северна Македонија и со нетрпение чекаме да работиме со новата влада, откако ќе биде формирана, напиша Брнз во твитот.

Фото/Текст извор: ©Магазин.мк

Американската амбасадорка во земјава, Кејт Мари Брнз денеска на лидерот на СДСМ, Зоран Заев му го честиташе мандатот за состав на нова влада, кој претходно му го додели претседателот на државата, Стево Пендаровски.

За мандатор за состав на Владата на Република Македонија го определувам Зоран Заев, претседател на СДСМ, кажа претседателот Стево Пендаровски од Вила Водно.

Без обезбедено парламентарно мнозинство, лидерот на СДСМ, Зоран Заев стана мандатор и доби 20 дена за состав на новата Влада.

Врз основа на известување дека преговарал за добивање 61 пратеник во Собранието, претседателот на државата Стево Пендаровски му го додели мандатот на лидерот на СДСМ.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.