Македонската економија за оваа година ќе забележи пад од – 3,4 отсто поради корона кризата. Стапката на инфлација ќе има надолна ревизија и ќе изнесува 0,2 проценти, изјави денеска министерката за економија, Нина Ангеловска!

„Основното сценарио на Министерството за финансии предвидува забавување на економската активност од -3,4 проценти со тоа што ефектите од корона кризата се очекува да бидат во второто тромесечие, во третото се очекува забавување на контракцијата, додека во четвртото закрепнување на економијата и одреден позитивен резултат“, рече Нина Ангеловска- Министерка за финансии.

Персоналиот данок на доход забележа пад од 11,7%.
Данокот на добивка забележа раст од 3,6%. Акцизите забележаа пад од 40% и царините имаа помала наплата за 26%, споредено со минатогодишниот април“ – вели Нина Ангеловска, министерка за финансии.

Ангеловска смета дека платите на администрацијата треба да се намалат зашто се работело преку еден ден.

„Сметам дека треба да има намалување од аспект на состојбата во која се наоѓаме, кризна ситуација во која сите заедно зборуваме дека треба да сносиме дел од товарот. Дел од товарот го носат и работниците од приватниот сектор кои што можеби овој период имаат намалени плати и кои загубиле работа.

Ако сето тоа го имаме предвид и ако ги имаме предвид и мерките кои значеа намалување на работните активности на администрацијата, односно работа од одма преку еден ден која што се имплементираше, товарот треба да го понесеме сите“ – смета Ангеловска.