Многу од граѓаните на Република Македонија немаат доверба во обвинителството и судскиот систем. Во нив не веруваат дури 61 отсто од граѓаните, а довербата ја губи и СЈО, во кое недоверба искажале 53,5 проценти од граѓаните, покажува новата анкета на Телма и МЦМС.

Направено е истражување на јавното мислење на луѓето и се покажа дека 61 отсто од испитаниците немаат доверба во обвинителството, а 32,7 отсто имаат. Недовербата во судството е речиси на исто ниво со недовербата во обвинителството. Мнозинство од 61,4% од граѓаните немаат доверба во судскиот систем, додека 33, 3 отсто сѐ уште му веруваат.
Анкетата покажа и голема промена на караткерот и расположението на граѓаните кон СЈО.  Институцијата која од формирањето беше на врвот и можеби една од институциите со најголема доверба досега, сега доби недовeрба од 53,5 проценти од испитаниците, наспроти 41 процент

кои ѝ дадоа доверба.

Ако се споредува по партиска линија, големо мнозинство од 84,2 отсто од приврзаниците на ВМРО-ДПМНЕ немаат доверба во Јавното обвинителство, наспроти 62,5 отсто од приврзаниците на СДСМ кои имаат доверба во Обвинителството.
Слични се бројките и за СЈО, при што мнозинството од приврзаниците ВМРО-ДПМНЕ, односно 83,8 % немаат доверба во СЈО, а доверба во него имаат 74,5% од приврзаниците на СДСМ.
 Загадувањето е најголем проблем за 7,3 отсто од граѓаните, додека 75 проценти сметаат дека Владата и другите институции не преземаат доволно мерки за решавање на проблемот.
Анкетата е спроведена од М-Проспект на репрезентативен примерок од 1.014 испитаници во периодот од 11 до 16 ноември.