Претседателката на Антикорупциска комисија Ивановска, во радио емисијата Канал77, најави дека ќе отвори случај за непотизам при вработувањето на Ена Реџепагиќ, ќерка на судијата Седат Реџепагиќ, која во јануари оваа година се вработила во истиот суд каде што работи нејзиниот татко! По допрен глас, односно информација добиена од судијата Панчевски, Антикорупциска ќе отвори истраги и за позицијата на Горан Стаменковски, кој зема плата и од извршната власт (како советник на премиерот Заев), и како раководител на одделението за човечки ресурси во Кривичниот суд, од каде што исто така зема плата. Доколку е така, станува збор за флагрантно мешање на извршната во судската власт и за незаконито земање на двојна плата од државниот буџет. 

Владимир Панчевски даде и други интересни информации за случајот на советникот Горан Стаменковски (имал завршено факултет за социјална политика), кој со спорна измена на систематизацијата во Кривичниот суд од обичен приправник бил унапреден за шест скалила погоре во раководител, а оваа тенденциозна систематизација ја изготвил тогашниот секретар на судот Ристе Спасов. Господинот Ристе Спасов пак е татко на судијката Софија Медарска од Основниот суд Скопје2, сопруга на Филип Медарски, адвокат на премиерот Заев, кој па адвокат е син на Јелица Медарска обвинителка во Вишото обвинителство Скопје, и истиот е во кумовска врска со обвинителот Гаврил Бубевски од СЈО. Непотизам без граници!