Пратеникот на ВМРО-ДПМНЕ, и поранешен министер за надворешни работи Антонио Милошоски денеска на својот официјален Фејсбук профил објави дека бил пренесен на Инфективната Клиника во Скопје. Тој со јавноста сподели дека неколку дена има покаќена телесна температура но други симптоми на Ковид-19 нема.

Почитувани пријатели,
денес околу 16ч од домашна изолација бев примен на Инфективната клиника, заради повеќедневна покачена температура.
Други симптоми немам, дишењето е добро, апетитот и расположението исто така.

Вчерашниот тест покажа негативни резултати на Ковид19, но по препорака на специјалист од инфективна клиника, денес направивме уште еден тест, чии резултати се очекуваат во текот на утрешниот ден.
Ве поздравувам сите, а на моето семејство и на медицинскиот персонал им благодарам за поддршката.

Благодарност до сите вас за поздравите и добрите желби за брзо закрепнување.
Се гледаме наскоро, се надевам во добро здравје и со добри вести.
Ваш, Антонио Милошоски.

Инаку пред неколку дена тој ја извести јавноста дека имал контакт со заболено лице од Ковид 19, односно со неговата мајка која е медицинска сестра во болницата во Кичево.

Мојата мајка Светлана Милошоска, која 40 години работи како медицинска сестра во болницата во Кичево, попладнево ме извести дека е позитивна на Ковид-19.

Веднаш по известувањето бев исконтактиран од надлежниот епидемиолог од Битола кој според здравствениот протокол ми пропиша мерка самоизолација до 6ти јули, заради кратката средба со мајка ми пред 5 дена во Кичево. Мерката доследно ќе ја почитувам, како што ги почитував и правилата за носење на маска и честа хигиена во изминативе 4 месеци. До 6ти јули ќе имам две задолжителни тестирања од надлежните медицински лица. Инаку се чувствувам добро и засега немам никакви симптоми. – напиша тогаш Милошоски.