Кочо Анѓушев, вицепремиерот за економски прашања, изјави дека општините ќе добијат 37,5 милиони евра од државниот буџет за да обезбедат поквалитетен живот во селата и да ги направат достојни за живот на граѓаните.
Вицепремиерот за економски прашања, Кочо Анѓушев рече дека денеска 17 градоначалници добија решенија за поддршка на руралниот развој, но откако ќе ги склучат договорите кон крајот на годинава првично преку Платежната агенција, ќе земаат по само 20 отсто од парите како аванс, а другите дури откако ќе ги завршат проектите по три години, известува Телма.
„Ако сакаме да имаме добра држава, треба условите на граѓаните во селата да ги направиме барем приближно еднакви како во градовите“, вели Кочо Анѓушев, вицепремиер за економски прашања.
Вицепремиерот рече дека опфатени се сите општини преку 202 проекти, а целта е Македонија да се направи земја без кал.
Треба да изградат или подобрат патишта за поврзување на селата, улици, зелени површини, излетнички места, велосипедски патеки и канализациони системи, изјави Анѓушев.
Анѓушев вели дека, долговите на општините во Македонија не се зголемуваат, туку или се отплаќаат, или во најмала рака стагнираат.
Дали ќе има нови средства за нив за отплата на долговите, ќе зависи од тоа дали ова ќе се одобри со ребалансот на буџетот, рече вицепремиерот.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.