Се планираат вработувања на 4.000 луѓе, од кои во првата година вработиле 1.300 луѓе што е показател дека се инвестира во технологии и дека ќе се зголеми продуктивноста, рече вицепремиерот Кочо Анѓушев во интервју за ТВ Алфа. Тој посочи дека продуктивноста се зголемува ако за иста плата се произведат повеќе производи.

Кочо Анѓушев во интервју за ТВ Алфа рече дека оваа година преку Законот за финансиска поддршка, вкупно 120 компании пријавиле дека во следниот период ќе инвестираат 230 милиони евра, од кои само во првата година веќе инвестирани се 110 милиони евра.

–Начин да се зголеми продуктивноста е со нови технологии. Постојат три начини тоа да се направи: да се воведат современи технологии, вработените да знаат да работат со висока технологија, менаџерот да знае да ја организира работата и исто да има мотивирани вработени затоа што фабриките сами не работат без работници – изјави Анѓушев.

Анѓушев рече дека во исто време се планираат вработувања на 4.000 луѓе, од кои во првата година вработиле 1.300 луѓе што е показател дека се инвестира во технологии и дека ќе се зголеми продуктивноста.

Mинистерката за финансии, Нина Ангеловска неодамна рече дека македонската економија е во добра кондиција и реални се очекувањата земјата да стаса до раст од 3,5 отсто.