Голем е интересот за имунизација против грип, ама дали ќе има доволно за сите што сакаат да се имунизираат, а се во ризичните групи и им следува вакцина без пари, не знае. 

За една недела вакцинирани се над 20.000 граѓани, на вакцинација.мк пријавени се околу 39.000, а државата купи само 40.000 вакцини. Здравствените власти велат дека има и донацијата од 20.000 вакцини која чека одобрение за употреба од МАЛМЕД, а ако и тие не се доволни, ќе се направеле напори да се набават повеќе.

При денешната посета на вакциналниот пункт во Ценарот за јавно здравје Скопје, каде освен бесплатна вакцина се боцка и со комерцијалните вакцини што чинат по 800 денари, Министерот за здравство Беким Сали одговарајќи на новинарско прашање кажа дека Фондот за здравствено осигурување направил контроли во пет Клиники за да утврди дали има злоупотреба на дежурства, па кога ќе го добиел целосниот извештај, може да има и разрешувања на директори на болници.

Во однос пак на неколкуте случаи за кои постојат сомневања дека починале од сепса, помеѓу кои е и бебе старо три недели, Министерот Сали вели дека формирани се стручни комисии што треба да утврдат како се третирани пациентите во болниците, но не прецизира колку време ќе им треба да контратираат дали имало лекарски грешки.