Сите сме во исчекување дали „Медена земја“ на Ноќта на оскарите ќе испише историја.

За прв пат во постоењето на македонската кинематографија еден филм е претставен со две номинации за престижната награда Оскар и за прв пат во постоењето на манифестацијата, документарен филм се бори за награда и во категоријата за најдобар странски филм, објави Женски Магазин.

-Знам дека документарецот „Медена земја“ заработи на кино благајните од прикажувањето во САД над 750 илјади долари. Од оваа сума се одбива данок и делбата со кино мрежите, а инвестирани се во промоцијата на филмот.

Да се стигне до номинации, освен што е важно да имате одличен филм, мора да се вложат многу пари. Повеќе е вложено е во филмот да стигне до тука отколку што тој има приход од дистрибуција. Се надевам дека после ова ќе заработи, тоа секако зависи од дистрибутерот „Неон“ кој ги има овие права, вели Горјан Тозија- Медо, директор на Агенцијата за филм. 

Република Македонија е најпребаруваната локација на „Гугл“ поврзана со доделувањето на Оскарите.

„Галуп трендс“ на социјалната мрежа „Твитер“ објави дека татковината на „Медена земја“ кој е номиниран до две категории за „оскар“ е топ место на Земјата, според пребарувањата за наградите.

Од другите најпребарувани зборови поврзани со оскаровското шоу закажано на 9 февруари најгуглан е јужнокорејскиот филм „Паразит“.
Најпребарувани прашања поврзани со Оскарите се кога ќе се случат и за што има добиено оскар легендарниот кошаркар Коби Брајант.