Македонската хероина, од филмот „Медена земја“, Атиџе Муратова, падна во несвест за време на отворањето на „Денови на македонскиот мед“ во Скопје, на улица Македонија, во организација на пчеларското здружение „Матица“, објави плусинфо.

Како што пишува порталот Атиџее изгубила свест додека траел говорот на министерот за земјоделство Аријанит Хоџа и на градоначалникот на Општина Центар, Саша Богдановиќ.

Екипата на Брза помош веднаш реагирала, и ја освестиле Атиџе.

Инаку, на штандовите поставени на улицата Македонија се изложени пчелни производи од пчелари од цела Македонија, а посетителите можат да дегустираат мед и да се информираат за матичниот млеч, поленот и прополисот како здрава храна.

Атиџе Муратовска, е главната протагонистка на македонскиот докумантарен филм „Медена земја“ што беше номиниран за два оскара, и денеска го привлече вниманието на сите  што беа присутни на Фестивалот на мед во Скопје.

Фестивалот се одржува на улица „Македонија“, а Атиџе, која скромно дојде на отворањето, побуди голем интерес кај присутните.

По воведното обраќање на претседателот на пчеларското здружение „Матица“, Венче Билбиловски, кој е и организатор на манифестацијата, Атиџе беше на крај претставена по министерот за земјоделство, шумарство и водостопанство Арјанит Хоџа и градоначалникот на Општина Центар, Саша Богдановиќ, но изнуди бурен аплауз.