Претседателот на на Демократската унија за интеграција Али Ахмети оствари средба со норвешкиот амбасадор Арно Санес Бјотнстад на која ја нагласи високата подготвеност на сите структури на ДУИ за успешен референдум за НАТО но и ЕУ интеграции.

Претседателот Ахмети го запозна амбасадорот Бјотнстад за подготовките на Демократската унија за интеграција во пресрет на референдумот и ја нагласи високата спремност на сите структури на ДУИ за успешен резултат на 30 септември. Ахмети, исто така, ја повтори важната улога на опозицијата, повикувајќи ја да биде дел од завршетокот на нашиот заеднички пат кон Брисел и Европската Унија, – информираат од партијата.

Двајцата соговорници разговарале и за дијалогот Косово – Србија, а претседателот на ДУИ, како што посочуваат од партијата, го поддржал дијалогот меѓу Косово и Србија за да се изнајде конечно решение за меѓусебно признавање и за одржлив мир во регионот.

Иронично, но Ахмети не ја забележа “киселата” насмевка на Арно Санес Бјотнстад, кога говореше дека Македонија по референдумот забрзано ќе чекори кон ЕУ интеграциите, затоа што Норвешка не е ни членка на Европската Унија.