Уште едно дете заразено со бактеријата МРСА. Случајот бил пријавен утринава од родителите на детето кое е ученик во основно училиште “Панајотот Гиновски” во Бутел, објави АЛСАТМ.

Тимот на Државниот санитарен инспекторат пристигна во училиштето за да изврши проверка на деца за кои постои сомневање дека се заразени од бактеријата МРСА.

Инаку ова е трет случај, во рок од неколку дена. Први случаи со бактеријата беа регистриани во градинката “Снежана” во Чаир. Здравствените власти велат дека во последниот период оваа бактерија станува се поприсутна, додека експертите велат дека тоа не е смртоносно и може успешно да се третира. Според експертите бактеријата МРСА може да доведе до компликации само ако лицето е со нарушен имунитет. Оваа бактерија, бара посебен третман, заради тоа што нејзината вирулетност е голема и бара изолација.

Жарко Караџовски, епидемиологот од Институтот за јавно здравје вчера изјави дека:

Инфекцијата на кожа може да создаде нејзино воспаление и да се појават таканаречени чирчиња кои потешко се лекуваат и бараат подолготраен третман. Опасно би било да се добие МРСА кај штотуку родени бебиња заради фактот дека имаат многу чувствителна кожа и ако имаат кожни промени може да дојде до тешко воспаление на кожата. Оваа бактерија ако ја има во грлото и носот во голема количина може да направи бронхит и воспаление на белите дробови кои тешко се лекуваат, рече емидемиологот Караџовски. 

Лицата погодени од оваа бактерија треба да останат изолирани, додека нивниот третман трае од 7 до 10 дена.