Глобалниот долг се очекува да порасне до рекордни 277 трилиони долари до крајот на годината, додека владите и компаниите продолжуваат да трошат како одговор на пандемијата „Ковид“, соопшти Институтот за меѓународни финансии (IIF).
Според ИИФ, чии членови се над 400 банки и финансиски институции ширум светот, глобалниот долг е зголемен за 15 трилиони долари оваа година, на 272 трилиони долари од септември.
Извештајот посочува дека кај напредните земји, долгот се зголемил над 432 проценти од БДП во третиот квартал, што е зголемување за 50 проценти во споредба со 2019 година.
Скоро половина од тој раст го направија Соединетите држави, кои спроведоа еден од најголемите стимулативни пакети во светот. Вкупниот долг на САД е на пат да достигне 80 трилиони долари во 2020 година, во споредба со 71 трилион долари во 2019 година, соопшти МИФ.
Што се однесува до еврозоната, владините активности доведоа до зголемување на јавниот долг од 1,5 милијарди долари во истиот период, за да достигнат 53 трилиони долари.
Тоа е сè уште под највисоките вредности во регионот од 55 милијарди долари забележани во вториот квартал на 2014 година, кога се соочија со кризата со државниот долг.
Според истражувањето, нивото на долг на пазарите во развој се искачи на над 248 проценти од БДП, додека Либан, Кина, Малезија и Турција доживеаја најголем раст на долгот во нефинансискиот сектор.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.