Унгарските новинари пред неколку недели го уловија Груевски како ужива во друштво на неколку мажи со чаша вино, на брод на Дунав крај Будимпешта. Овој пат Никола Груевски беше забележан во друштво на згодна бринета со длабоко деколте.

Никола Груевски заедно со двајца пријатели и згодна бринета уживаше на бизнис забава во Будимпешта.

Поранешниот лидер на ВМРО ДПМНЕ, Никола Груевски позираше пред новинарите на забавата, па се чини дека е целосно свесен дека е фотографиран и дека оваа фотографија ќе се најде во центарот на вниманието во Република Македонија.

Овој бизнис настан беше организиран од страна на унгарската компанија ИТЛ консалтинг, која нуди консалтинг услуги, која се занимава со услужни дејности за компании кои сакаат да инвестираат во Унгарија.

Унгарските новинари не престануваат ниту во еден момент да го следат движењето на поранешниот македонски премиер и лидер на ВМРО ДПМНЕ, Никола Груевски.

Неодамна тој имаше наводна тајна средба со унгарски дипломат во стан за изнајмување, чие присуство беше забележано од камерата на новинарот на порталот 444, Петер Ердеј.

Бегалецот Груевски не сакаше да коментира за новинарите и цело време повторуваше дека нема да дава изјави, по што брзо замина со возило со германски регистерски ознаки, во придружба на еден телохранител и возач.