Министерот за економија, Крешник Бектеши, денеска извести дека го откажал неговото присуство во форумот на Енергетската заедница во Молдавија, поради тоа што на истиот не е поканета Република Косово.

Министерот ова го обелодени преку писмото кое му го испратил на организаторите на форумот во кое ги наведил и горенаведените причини.

Инаку во Македонија веќе сериозно се поставува прашањето кога, како и каде се носат некои владини институционални одлуки и се решава за постапките на владини официјални лица од политичкиот врв.

Инаку овој форум е состанок на европската енергетска заедница, плус европската комисија, каде најчесто се разговара за енергетска проекти, извори на обновлива енергија, изградба на регионални далеководи, план за гасификација во регионот и тоа и те како ја тангира Македонија и нејзините граѓани.

Бурни реакции поттикна тоа што вицепремиерот за европски прашања, важен претставник на Република Македонија, Бујар Османи го откажа гостувањето на конференцијата во БиХ посветена на земјите од Западен Балкан, а како причина го наведува тоа што не биле повикани претставници од Косово.

Кој одлучува за ова присуство и чиј е „ суверенитетот “ кога се работи за вакви важни прашања?

само пред 10 месеци Османи ја потврди информацијата и се изјасни дека се работи за принцип. На тоа следуваше и одговор од Владата на РМ.

„Вицепремиерот Бујар Османи има донесено сопствена процена да не учествува на конференцијата посветена на Западен Балкан. За ова прашање не е разговарано на ниво на Влада на РМ и се работи за проценка на вицепремиерот“, велат од Владата на Република Македонија.

Како ќе влијае оваа проценка на Османи, кој претходно се консултирал со министерот за надворешни работи на Албанија и заеднички одлучиле да ја бојкотираат конференцијата со своето неприсуство, останува да видиме.

Инаку, Косово не е признаено од БиХ.

8.дек 2019