Компанијата Беса-Транс ги отфрли шпекулациите дека во автобусот се превезувал бензин или нафта.

На фејсбук страницата на компанијата се наведува дека вкупниот капацитет на автобусот бил за 450 – 500 литри дизел за самиот автобус и дека во него немало дополнителни резерви на гориво.

Во објава на профилот на Фејсбук, туристичката агенција апелира до медиумите да не се шират шпекулации коишто ќе ѝ наштетат на истрагата.

„Како агенција ги информираме семејствата на починатите и повредените во трагедијата дека автобусот во никој случај немал багаж за шверц на нафта, бензин или пиротехнички средства“, се вели во објавата на „Беса транс.“