Богдан Илиевски по целата ситуација со политичкиот прогон на новинарите и медиумите реши да даде свое мислење на социјалните мрежи. На својот Фејсбук профил тој напиша дека на „чуварите на правдата“ не им е проблем криминалот, туку тој кој придонесува да се открие нешто што „можеби органите не се потрудиле баш баш да го откријат“.
Излегува шокантен исказ во кој се спомнати политичари во корелација со „Рекет“. ОЈО на Јовески и ВиРус не ги вика политичарите на распит, туку му стега кривична на новинар за оддавање државна тајна – иако новинарот нема сертификат за државна тајна, па да ја оддаде, туку „тајната ја оддал“ некој друг, а новинарот објавува документ кој доаѓа до него.
Излегува документ за случајот „Леонардо“ и индиции за можна вмешаност на генсекот на владата. ОЈО на Јовески и ВиРус не го вика Рашковски на распит туку полиција упаѓа во порталот кој ја објавил информацијата за да се распрашува како ја дознал – а претходно вика на распит други новинари кои исто така работеле на сторијата.
Фактички, на „чуварите на правдата“ не им е проблем криминалот, туку тој кој придонесува да се открие нешто што „можеби органите не се потрудиле баш баш да го откријат“.
Со еден збор: Блескаме. Орвел би бил згрозено горд на вас.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.