Советниците во Советот на Општина Битола и градоначалничката Наташа Петровска која и доаѓа од редовите на просветните работници префрлајќи ја топката кој е виновен а кој не за катастрофалната состојба со долгови во битолските училишта реално не преземаат ништо конкретно за решавање на проблемот.
Прво советничкиот состав на ВМРО – ДПМНЕ поднесе кривична пријава за Петровска затоа што заборавила или изумила да распише тендер за превоз на ученици за учебната 2018 / 2019 година но и дека второто полугодие од учебната 2017/2018 година дел од учениците го изгубиле правото за бесплатен превоз што е пак законска обврска.
Советниците на СДСМ возвратија дека школите во Битола се во катастрофална финансиска состојба и дека 10 од 18 училишта во Битола над 5 години се со блокирани сметки поради долгови. По проценки долгот вкупно изнесувал над 4.4 милиони евра. Училиштата не плаќале за струја и подолго од 12 месеци а Економското училиште е рекордер со 7 години работење без ниту една платена сметка за струја.
И додека советниците и градоначалничката се надмудруваат кој долг во чие владеење е направен на само 30 дена пред почетокот од учебната година во дел од училиштата струјата е исклучена а во дел нема обезбедено картици за бесплатен превоз на учениците затоа што нема договори по необјавениот тендер за превозници.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.