Македонскиот кларинетист, Благој Ламњов, кој живее и работи во Шведска на прекрасен начин ја претставува Македонија низ целиот свет.

Неодамна Ламњов беше солист на симфонискиот оркестар во концертната сала Луи де Жер (Louise de Geer) во Норшопинг од кој свиреше две дела од кои едното беше велешката песна Сербез Донка (или како што се вика во неговиот албум, Two Happy Squirrels).

Нашиот талентиран музичар Благој Ламњов е македонски кларинетист кој живее во Шведска и континуирано работи за многу од најголемите институции како Операта на Малме, театарот НС град Стокхолм, универзитетот на Гетеборг и универзитетот на Лунд.

Неговиот деби албум „Носталгична љубов“ полека си го пробива патот до светската сцена.

Албумот Носталгична Љубов (Nostalgic Love) е составен од песни без зборови (инструментална музика) , кои најголемито влијание го имаат од македонската музика, зачинети со ноти од други светски жанрови на музика. Интересен факт за албумот е тоа што привлече луѓе кои претходно никогаш не го слушале инструментот кларинет. Сега го слушаат овој албум дома или во кола.

Повеќе за животот и делото на Благој Ламњов ќе ви откриеме наскоро во интервјуто што го подготвивме за нашиот портал, со нашиот светски познат музичар, кој со неговата музика допира до срцата на Македонците низ целиот свет.