Денеска судот донесе пресуда за првообвинетиот за случајот Рекет, Бојан Јовановски, и второбвинетата, поранешната шефица на СЈО, Катица Јанева, со која е одредена казна затвор од 9 години за Боки 13 и 7 за Јанева.

Имено денеска Боки 13 во судницата рече дека тој незнае каде се парите од случајот Рекет, за кој тој е првоосомничен, и истите да ги бараат парите кај Зоран Заев и Вице Заев.

-Јас овој ден ќе го прогласам како ден на политичката кампања во Македонија. Донесовте политичка одлука. Рекетираните пари барајте ги кај Зоран и Вице Заев – кажа Јовановски по што судијката побара да биде изнесен надвор доколку не зборува за пресудата.

Боки истакна дека е свесен оти судот нема да го прифати неговото барање за домашен притвор, иако неговата здравствена состојба го налага тоа.

-Сметам дека притворот којшто ми беше определен беше тенденциозен. Нема да се дадам во бегство. Едвај го чекам први јули, едвај чекам да дозволите да отидам во ЈО овие денови да ги пријавам сите кривични дела за сите вистински сторители на кривични дела. Знам дека ќе ми го продолжите притворот поради тоа што така ви е наредено – кажа Боки-13.