Денеска во Основниот суд- Скопје се разгледуваат доказни материјали, снимки доставени од бизнисменот кој е сведк за случајот Рекет, Орце Камчев.

Снимките кои биле доставени траат по десетина секунди, а се обезбедени од неколку камери поставени во домот на Камчев.

На снимките кои Камчев ги достави до обвинителството може да се види како на 20 февруари, во домот на Камчев сам доаѓа Зоран Милевски Кичеец, а потоа си оди, пренесува Фокус.

Вториот пат, Кичеец во домот на Камчев доаѓа во 15 и 34 часот заедно со првообвинетиот Бојан Јовановски. На снимката може да се забележи како по триесетина минути, во 16.10 часот, двајцата излегуваат од домот на Камчев, а Кичеец во раката носи торба „луј витон”.

Обвинителката Ивана Трајчева појасни дека откако излегуваат, од домот на Камчев, влегуваат во портаколовиот џип на Кичеец, марка „тирок” а тој торбата ја остава на задното седиште, 

Судењето е во тек.

Инаку денеска непосредно пред започнување на судењето Боки 13 упати неколку недолични зборови кон обвинителката Рускоска која е застапник на обвинението и при тоа на кратко беше изнесен од судницата.

„Корумпирана обвинителке, Затоа што имам малигнитет вие со сила вршите тортура врз мене“- рече Јовановски.

Боки е гневен на тоа што Рускоска не дава зелено светло тој да биде пуштен во домашен притвор.

Што се смееш на малигнозна состојба? Господ нека ти врати! Вршиш тортура врз мене и тоа сите го гледаат!

Боки соопшти дека му е констатирана нова здравствена состојба, односно дека има канцер на желудник.