Боки 13 пред два дена се појави во Обвинителството за организиран криминал за да ги види доказите против него во аферата „Рекет“.

Бојан Јованоски пристигна од затворот Шутка во обвинителството за организиран криминал со полициски возила, скоцкан од глава до пети.

Очигледно е дека ни затворските ќелии не му можат ништо против стилот кој го негуваше и пред да биде уапсен.

На јавноста и „падна“ во очи стајлингот во кој тој дојде во Обвинителство. Она што привлече најмногу внимание на фоторепортерите и медиумите беа патиките од познатиот бренд „Баленсиага“ кои чинат околу 500 евра, објави Слободен печат.

Ова е второ спроведување на Боки 13 во обвинителството оваа недела откако во понеделникот беше донесен за првпат.

Тогаш, се очекуваше дека е спроведен за исказ, но доби известување дека истрагата е завршена.

Неговиот адвокат Сашо Дуковски остро реагираше бидејќи осомничениот бил повикан за исказ а му било доставено решение за завршена истрага.

Боки 13 тогаш не сакаше да даде исказ затоа што немале увид во доказите, па прво побараа да го направат увидот, а потоа да даде исказ.