– Треба да умре, за некој да го сфати сериозно мојот клиент, вака изјави адокатот на првоосомничениот за случајот Релет.

Бојан Јовановски никој не го ферма додека не умре еден ден, тврди неговиот адвокат Сашо Дуковски, кој во изјава за „А1он“ вели дека здравствената состојба на првообвинетиот во „Рекет“ секојдневно се влошува. Дуковски останува на тоа дека во затворот не може да се спроведе хигиено-диететски режим, кој го препорачуваат докторите.

„Секој ден го носат во болница. 10 установи кажуваат дека за него треба соодветен хигиенско-диететски режим. И затворскиот доктор кажува дека не може таков режим да се спроведе таму. Утре треба да се земат хистолошките резултати, од земениот материјал од чирвоите во желудник. Никој не го ферма додека не умре некој ден, па тогаш ќе видиме на кого ќе ја префрлаат топката“, вели Дуковски.

Обвинетиот Бојан Јовановски пред судот посочи дека тој се гледа себеси како политички затвореник, но и дека пријавил закани за негова ликвидација.

Следното рочиште за „Рекет“ е закажано за во понеделник.

За потсетување, третоосомничениот во случајот „Рекет“ беше Зоран Милевски Кичеец кој веднаш на првото рочиште кажа дека е виновен и доби пресуда од 1 ипол затворска  казна, а Катица Јанева и Бојан ЈОвановски се уште се судат, тие пред судот се изјаснија како невини.