Обвинителството ја завршило истрагата за случајот Рекет. Вакво известување добил Јовановски кој заедно со својот Адвокат денеска беа на распит кај обвинителката Вилма Русковска. Кратко траеше престојот на Боки 13 во обвинителството за гонење криминал и корупција – почна напладне, а заврши за помалку од еден час, пишува Сител

Неговиот бранител рече дека Јованоски изјавил оти нема да се брани со молчење, но обвинителката Русковска го известила дека истрагата е завршена. Поради ова, Боки 13 одбил да даде исказ. Според адвокатот Дуковски, недозволиво е да се затвори истрагата без да се презентираат доказите кои ги поседува обвинителството.

Бранителот на Боки 13 вели дека ќе го обжалат решението според кое завршила истрагата, а рокот од 15 дена ќе го користат за увид во доказите кои до сега обвинителстовото не им ги презентирало.

Според обвинителството, и на затворена истрага осомничениот може да има исказ за своја одбрана.

„Обвинителството укажува дека давањето исказ на осомничено лице не е процесно десјтвие, што подразбира дека одбрана, односно исказ, може да се даде и во законски утврдениот рок кога се врши увид во доказите“, велат од обвинителството.

За Опозициската ВМРО-ДПМНЕ, обвинителството свесно го прекинал распитот на Боки 13 со цел да се прикријат вистинските нарачатели на милионскиот рекет.

Според владеачката партија, вистината за Рекет ја крие лидерот на ВМРО-ДПМНЕ.

Инаку на распит во обвинителството е повикана и екс шефицата на СЈО, Катица Јанева. Утре напладне таа ќе се соочи со обвинителката Русковска кога како што велат од обвинителството ќе и биде предадено решението за завршената истрага за случајот Рекет.