„Авторот на бомбите” Ел Чека на неговиот профил го спомена премиерот Заев и рече дека ќе се врати во Македонија, само ако седне пред судот заедно со него.

Ел Чека на својата последната објава на Фејсбук му се обрати и на премиерот Зоран Заев. Тој го поздрави премиерот и сите оние што гласале за него. Чека напиша дека е подготвен да се врати во државата што премиерот ја крадел од нас граѓаните и да излезе пред правдата, но под еден услов, само ако и двајцата седнат пред судот ,бидејќи и двајцата сториле истото злосторство.

„Поздрави до вас премиере и на оние кои живеат таму и гласаа за тебе. Што се однесува до тужбите што се подигнаа против мене поради објавувањето на некои од прислушувањата на твоите колеги од владата, јас сум подготвен да се вратам во државата што вие ја крадевте од нас и да излезам пред правдата, но под еден услов: Ако и двајцата седнеме пред судот ,бидејќи и двајцата сме го сториле истото злосторство, пред неколку години вие, а сега јас! Ако сакаш да си играме тогаш да почнеме да играме, бидејќи мојот тренер има тактика што не знае што е да губење! Бог да го благослови Америка”, напиша Чека.

Телефонскиот разговор меѓу Али Ахмети и екс министерот Муса Џафери во кој двајцата наводно договараат вработувања во Секретаријатот за Рамковен во владата е 14-ти по ред разговор кој осамна на овој фејсбук профил.
Претходно беше објавен разговор меѓу поранешните министри за внатрешни и правда во кој Јанкулоска и Беџети разговараат за екстрадиција на осуденик од Косово а се споменува и случајот „Монструм“. Од МВР и Јавното обвинителство велат дека е познат идентитетот на објавувачот на прислушуваните разговори и се бара меѓународна помош за негово пронаоѓање.