Минатата година веста дека познатиот тренер Синиша Михајловиќ боледува од леукемија го потресе светот .
Тој повторно бил на лекување по што бил пуштен од болница во Болоња. Оваа вест дека тренерот на Болоња, Синиша Михајловиќ, денес ја напушти болницата Сент Орсола предизвика радост во семејството но и кај сите негови фанови.
„Г-н Михајловиќ утрово беше отпуштен од хематолошкиот институт, откако резултатите по неговиот третман беа добри“, се вели во соопштението од болницата „Сент Орсола“.
Лекарите на Синиша рекоа дека неговата здравствена состојбата е „многу добра“.
Михајловиќ се бори со леукемијата откако му беше дијагностицирана минатото лето.
Синиша во болницата во Болоња беше донесен минатиот месец, на 28, ми јануари поради неопходна антивирусна терапија.
Како што само четири дена по хоспитализирањето на Михајловиќ беше објавено во медиумите, тој боледува од акутна миелоидна леукемија или малигна болест на крвта, односно на коскената срж.
Оваа болест може да се излекува, но сепак првите пет години се најкритични.
Синиша Михајловиќ е српски фудбалски тренер и поранешен играч од одбраната. Во моментов ја води екипата на Болоња.
Кариерата ја започнал како лево крило, меѓутоа со преоѓањето во Италија бил прекомандуван во одбраната, каде што играл до крајот на својата играчка кариера. За репрезентациите на СФР Југославија, СР Југославија и Србија и Црна Гора, Михајловиќ одиграл вкупно 63 натпревари и постигнал 10 гола[1], а учествувал и на Светското првенство 1998 и Европското првенство 2000.
Познат е како еден од најдобрите изведувачи на слободни удари во светот. Тој и Џузепе Сињори се единствените двајца играчи во Серија А, кои постигнале по три гола на еден натпревар од слободни удари, а исто така го држи рекордот по бројот на постигнати голови од слободен удар во Серија А заедно со Андреа Пирло (28).
По завршувањето на играчката кариера работел како помошен тренер во Интер до 2008 година. После Интер, работел како главен тренер и ги водел Болоња, Катанија, Фјорентина, српската репрезентација, Сампдорија, Милан, Торино и Спортинг Лисабон.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.