Сусамот е суптропско растение кои изобилува со железо,калциум, манган, бакар, магнезиум и селен.

Сусамот содржи и бројни витамини а најзастапен е витаминот Е, кој е моќен антиоксиданс, витамин Б1, фолна киселина, пиридоксин Б6, ниацин и рибофлавин. Сусамот самиот себе има многу благодети а помага против воспаленија и болки од ревматоиден артритис, како и при напади на астма. Па бидејќи здравствените придобивки од сусамот се многубројни се препорачува да го конзумирате секојдневно. Ние ви нудиме едноставен рецепт за десерт кој е здрав но и брзо се приготвува.

Овие плочки од сусам во комбинација со мед се превкусни.

Потребни ви се следните состојки:

-150гр. шеќер

-60гр. мед

-15мл. вода

-25 гр. путер

-1/2 лажиче печиво

-1 лажиче екстрат ванила

-140гр. сусам

-1/8 лажиче сол

Постапката е следна:

На тивок оган најпрво треба да се растопат медот и шеќерот а потоа, се додава вода, сол, печиво и сусамот.Мешајте постојано околу 10 минути додека не добиете карамел боја. Додека го чекате медот и шеќерот да се растопат веќе ги подготвувате путерот и ванилата, кои потоа се додаваат во смесата со сусам. Во тепсија ставете хартија за печење и ставете ја смесата после ставете уште еден слој од хартијата и започнете со мазнење. Откако ќе се олади смесата започнете со сечење на формите.

Наздравје!