Корона вирусот стана реалност на целиот свет и најкоментирана светска тема. Откако од Кина, корона вирусот се прошири кон Европа, а потем и на другите подрачја низ светот, на глобално ниво се создаде паника од корона вирусот.
Регионалниот директор за Европа при СЗО, Ханс Клуге потврди дека досега на територијата на Европа се регистрирани вкупно 3365 случаи на заразени со корона вирусот. Секоја од земјите во која се регистрирани случаи на корона вирус, преземе мерки за контрола и превенција согласно препораките на СЗО.
Јавноста во Британија е фрапирана од изјавата на министерот
Сепак, Британија има специфичен начин на справување со корона вирусот. Имено, британскиот министер за здравство, Едвард Аргар најавил дека соопштенијата за регистирани нови случаи со корона вирусот или нивно локализирање ќе бидат поретко презентирани пред јавноста. Таа изјава британската јавност ја протолкува како обид на британските власти, јавноста да се исклучи од процесот на следење на состојбата со корона вирусот поради спречување на паники од епидемија. Исто така британската јавност смета дека тој потег е сосема некоректен бидејќи им го одзема правото на граѓаните да бидат информирани во врска со тема која е од јавен интерес.
Британскиот министер за здравство смета дека соопштенијата за јавноста во врска со состојбите со корона вирусот не може да донесат ништо добро
Аргументите на британските власти, се дека, тие успешно се справуваат со локализирање на корона вирусот и дека доколку е потребно да се интервенира или да се направат тестови и испитувања во одредени подрачја, тогаш тие ќе бидат благовремено направени. Секојдневното следење на состојбите со корона вирусот според британските власти, значи дека темата се држи во фокусот на јавности и со тоа се придава огромна важност и се шири паника. Паниката помеѓу населението не може да донесе ништо добро или продуктивно, напротив може да ја намали довербата и соработката со надлежните институции, па поради тоа протокот на информациите исто така би требало да се држи под контрола.
Соопштенија за јавност од страна на надлежните во Македонија и односот на јавноста кон нив
Недоверба и сомнеж во надлежните институции пројавија и граѓаните на Македонија поради шпекулациите во јавноста дека има повеќе заболени од корона вирусот. Засега Министерство за Здравство потврди само еден случај на заболен од корона вирусот во Македонија, а во јавноста се појавија неофицијални информации кои се спротивни на соопштението на Министерството за Здравство.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.