Првата личност во светот што ја прими вакцината Фајзер против КОВИД-19 ја доби и втората доза.

Маргарет Кинан ја прими својата втора вакцина во Универзитетската болница во Ковентри, три недели по првата вакцина.

Извршниот директор на болницата Енди Харди изјави дека болницата е „воодушевена“ што можат повторно да ја пречекаат, пишува Би-Би-Си.

Старата жена од Велика Британија ја прими својата прва вакцина на 8 декември, една недела пред да го прослави 91 роденден. Таа го опиша како најдобар подарок за роденденот.

Пациентот добро се опоравува по втората доза, соопштија од болницата.

„Нашиот вреден персонал вклучен во програмата за вакцинација од тој ден е во контакт со семејството на Маргарет и ние сме пресреќни што Маргарет продолжува да се опоравува добро дома откако беше отпуштена од болницата“, рече Харди.

Тој посочи дека е многу важно секој што е поканет да се пријави на вакцинацијата.