Бугарската вицепремиерка и министерка за надворешни работи Екатерина Захариева, во одговор на пратеничко прашање, изјави дека Бугарија доставила над 30 страници забелешки во учебниците по историја до Македонија, за време на работата Комисијата за историски и образовни прашања утврдена со Договорот за добрососедство помеѓу Бугарија и Македонија.
Комисијата досега имаше две средби, третата се очекува да се одржи до крајот на овој месец, рече Захариева. Учебниците по историја се разгледуваат во двете земји рече Захариева, и додаде дека досега биле разгледани учебниците од шесто до седмо одделение во Република Македонија, и за нив биле доставени забелешки кој биле на повеќе од 30 страници.
Со ова се потврдија стравувањата на дел од стручната и интелектуалната јавност, како и на опозициската партија ВМРО-ДПМНЕ, за влијанието на соседната земја врз нашата историја.
Таа истакна дека очекувањата на комисијата се многу високи, иако бугарските претставници од Комисијата констатирале сериозни проблеми во содржината на учебниците, атмосферата во комисијата е конструктивна.
Драган Ѓоргиев шеф на македонскиот тим за медиумите рече дека Македонија и Бугарија немаат никакви различни гледишта за праисторискиот и античкиот период, а забелешките се главно за содржините од средниот век – за Самоиловата држава и за просветителите Св. Кирил и Методиј.
,,Утврдени се пропусти и во нашите и во бугарските учебници и започната е анализа за дел од нив‘‘, вели Ѓоргиев.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.