Објаснувачкиот меморандум на Бугарија во целост објавен – земја кандидат не треба да внесува отворени прашања во ЕУ, ексклузивно објави Курир.мк. До детал објавен документот со кој Бугарија поставува услови за Македонија од кои зависи преговарачкиот процес на земјата.

Документот е поделен во неколку точки воведен дел, историски преглед, општа историја, сегашната ситуациа, добрососедскиот договор, главни нерешени прашања, проблеми со името, малцински тврдења и поглед напред .

Во продолжение документот кој го објави бугарската агенција БГНЕС без кратенки и толкувања :

Објаснувачки меморандум за односите на Република Бугарија со Република Северна Македонија во контекст на проширувањето на ЕУ и процесот на асоцијација и стабилизација

Сите земји-членки на ЕУ се придржуваат кон разбирање дека процесот на пристапување на Република Северна Македонија мора строго да ги почитува принципите и вредностите , на кој е изграден нашиот Сојуз.

На 25 март 2020 година, Советот на ЕУ потврди дека добрососедските односи и регионалната соработка остануваат клучни елементи на процесот на проширување, како и на процесот на стабилизација и асоцијација. Тој ја повтори важноста од продолжување на спроведувањето на билатералните договори со добра волја како важен дел од процесот на проширување.

Спроведувањето на законски обврзувачките обврски од страна на земјите кандидати се следи внимателно во текот на сите фази на нивното пристапување. Ова е критериум за нивната подготвеност и политички капацитет да преземат одговорност за членството.

Земја кандидат не треба да внесува отворени прашања во ЕУ, особено во однос на земјите-членки. Во однос на Република Северна Македонија, сè уште има голем број прашања што можат негативно да влијаат на донесувањето одлуки на ЕУ по пристапувањето.

Прашањата се последица на начинот на кој оваа земја се справува со сопственото минато. Наоѓањето трајни решенија ќе бара вистинска политичка волја и храброст. Пристапниот пат на Република Северна Македонија дава драгоцена можност за нејзиното раководство да се прекине со идеолошкото наследство и практиките на комунистичка Југославија. Процесот на проширување не смее да го легитимира етничкиот и јазичниот инженеринг што се случил за време на поранешните авторитарни режими.

Колку побрзо се решат овие прашања, ќе остане повеќе време за да се покажат успешните резултати и, следствено, неспокојот на процесот на пристапување.