Со прифатените амандмани од комисиската расправа а проектиран како највисок до сега вреден 5,3 милјарди евра буџетот за 2023 влезе во завршната собраниска процедура на пленарна седница.

За власта развоен за опозицијата недомаќински.

Министерот Фатмир Бесими во експозето со проекции задолжувањето да достигне околу  700 милиони евра. Приходите се проектирани да се  зголемат за околу 15 %  а расходите за нешто повеќе од 12% .

Споредбено со минатите години  Владата планира да потроши 5,3 милјарди евра  што е за 2 милјарди евра повеќе од пред кризната 2018, а 1,2 милјарди евра повеќе од пандемиската 2020.

Година                             Расходи

2023                                5,3 милијарди евра 

2022                                4,7 милјарди евра 

2021                                4,2 милјарди евра 

2020                                4,1 милјарда евра

2019                                3,7 милјарди евра 

2018                                3,4 милјарди   

Да ја наполни буџетската каса владата проектирала  4,6 милјарди евра што е за  600 милиони евра повеќе од годинава, а 1,5 милјарди евра повеќе од 2018 та. 

Година                Приходи 

2023                     4,6 милјарди

2022                     4 милјарди евра 

2021                     3,6 милјарди евра

2020                     3,2 милјарди евра 

2019                     3,4 милјарди евра 

2018                     3,1 милјарда евра 

За социјалните трансфери каде се платите и пензиите и социјалната помош пак предвидени се 2,3 милјарди евра  посочи Бесими.

Опозицијата и денеска со став дека Буџетот е нереален и инфлатортен. 

На комисиската расправа која траеше десет дена беа разгледани вкупно 263 амандмани, а околу 200 беа само од опозициската ВМРО-ДПМНЕ. Прифатени  беа 6 опозициски и 3 комисиски амандмани. Расправата на пленарната седница трае 5 работни дена.