Европската полициска агенција Европол соопшти дека со меѓународната операција „Фамилија„ е разбиен балканскиот криминални ланец, кој со приватни авиони пренесувал кокаин од Јужна Америка во Европа.

Во акцијата уапсени се вкупно 16 лица,11 во Европа и пет во Азија, а запленети се повеќе од еден тон кокаин и два милиони евра.

Европол изјави дека балканските криумчари користеле приватни авиони за пренесување на кокаин измеѓу Јужна Америка и Европа, па потоа со бродови пренесувале наркотици во Хонгконг и Макао.

Минатата година хрватската полиција покрена истрага која е проширена, како би се вклучиле властите од Јужна Америка, Азија и Европа.

Кокаинот го криумчареле од земјите на Јужна Америка во Европа со мали приватни авиони под знакот ВИП ЛЕТОВИ. Откако полицијата детектувала кој авион криумчари, го следеле преку Франција до Базел.

Во мај оваа година, швајцарската полиција во комбе пронајде 603 килограми кокаин и уапси три лица: хрватски, чешки и црногорски државјанин. Истовремено чешките полицајци уапсиле двајца чешки државјани и запленија повеќе од милион евра.

Во јули оваа година, во Хрватска уапсени се пет хрватски државјани, а запленета беше луксузна роба, часовници и возила кој достигнуваа вредност од милион евра.

Во Србија беа уапсени две лица, а уапсените биле членови на нарко картелот.

Уапсен е нарко бос од Загреб, кој е роден во Подгорица, а приведен е во Швајцарија. Уапсеното лице имал повеќе идентитети, познат под името Мајкл Доковиќ, кој со операцијата управувал од изнајмен Пентхаус во Загреб.

Право име му е Илмија Фрлјукиќ, а иако не се спомнуваа конкретни имиња, се смета дека уапсен и извесен Перо Шарац Пјер, кој остварувал контакти со доставувачите од Јужна Америка.