Познат европски Интервентен кардиолог, доктор на медицински науки за интервентна кардиологија (CIT), доаѓа доброволно во Инфективната клиника во Скопје, да помогне на својот народ, пишува OhridSky.com.
Според информациите на Магазин се работи за докторот Игор Балевски кој е инаку брат на актуелниот директор на Општата болница во Охрид, Горан Балевски!
Докторот работи како шеф на клиниката во Марибор во Центар за интензивна и интервентна кардиологија, сам доброволно побарал од словенските и македонските здравствени власти, да дојде во Македонија и да помогне на својот народ во борбата со Корона вирусот.
Лекарот е познат во светски размери како експерт за интензивна нега на пациенти со срцеви заболувања, кој се на респираторна поддршка, со што Клиниката за Инфективни и фербилни состојби во Скопје, каде се лекуваат најтешките пациенти, ќе добие и врвен експерт од областа на интензивна и интервентна кардиологија, со што во голема мера ќе се допринесе во лекувањето на пациенти од Корона вирус, која болест ги има зафатено и срцевиот мускул.
Вкупната бројка на заразени во Македонија изнесува 1259. Досега во земјава се направени 13.000 тестирања и ова е бројка која не сместува во земјите во регионот со најголем број на тестирани.
На клиниката за инфективни болести изминативе 27 часа примерни се 7 нови пациенти.
Хоспитализирани се вкупно 63 лица, 21 се со кислородна поддршка, четворица на механичка вентилација, има сосем доволни респираторни машини.
Во болницата „8.септември“ примени се 7 нови, вкупно на респираторни машини се 4 ца пациенти, објави денеска министерот Венко Филипче.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.