Ванковска: „Македонците се изедначија со Албанците- го изгубивме правото како народ„

Таа напиша дека Македонците го изгубиле правото на самоопределување како свој народ, а на сцена допрва треба да стапат како граѓани или да исчезнат.

Фото/Текст извор: ©онлине / магазин

Универзитетската професорка и колумниста проф. д-р Билјана Ванковска на социјалните мрежи напиша статус во која наведе дека Македонците се изедначија со Албанците на сите полиња.

Ванкоска наведе дека Македонија се изедначи со Албанците, Ромите и други националности кои го зацврстија идентитетот на Македонија.

Билјана Ванковска е универзитетски професор и колумнист, активна во повеќе меѓународни научни здруженија. Во јавноста е позната како чест гостин на домашни и странски медиуми и коментатор на актуелните политички и меѓународни случувања.

Ванковска има објавено преку стотина книги, поглавја и научни статии, најголем број од нив во странство и на англиски јазик. Таа е член е на уредувачки одбори на повеќе реномирани меѓународни научни списанија (International problems, Journal of International Relations and Development, European Perspectives, Human Security, Res Militaris), а ведно таа била и прв уредник на научното списание „Безбедносни дијалози“, кое го издава Институтот за безбедност, одбрана и мир при Филозофскиот факултет во Скопје.

Статус на Билјана Ванковска:

Со ваквите изјави, и на Пендаровски и на Димитров и на сите останати, она што досега беше изградено (колку и да беше далеку од успешно или комплетно) на планот на македонскиот демос, сега се урна и се сведе на етнос!

Македонците „конечно“ се изедначија со Албанците, Ромите, Турците, Србите, итн. Според „генијалциве“ кои го „зацврстија“ идентитетот, продавката македонско/македонски има исклучиво ЕТНИЧКИ предзнак, па како таква ќе се употребува ограничено – само кога се работи за македонската етничка заедница (сори, ама таков е статусот фактички).

Сега можете да си ја репризирате дебатата на Колозова (на Алфа гостувавме заедно минатото лето) во кое го тврдеше обратното и се обиде сите да не’ направи националисти.
Поентата е во тоа што после една историска епизода, која траеше од 1944-2019, Македонците го изгубија правото на самооопределување како народ, а на сцена треба да стапат или како „граѓани на ???“ или да исчезнат!
Сега јасно ви е зошто мораа да го редефинираат АСНОМ? Оној АСНОМ извојуван со крвта на сите наши предци!

А вие и натаму седете си дома и бојкотирајте, овој ќе го „бетонира“ новиот инженеринг. Останува само уште жолти ѕвезди да ни залепат на ракавите и на туширање да не однесат нас кои се спротивставуваме…

Таа има објавено повеќе книги и 100-тина научни статии и поглавја на повеќе странски јазици. Колумнист и соговорник на медиумите во Македонија и надвор од неа.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.