Пожарот во Велес носи се пред себе, напрво пожароти избувна во близина на езерото Младост па подоцна се прошири и до автопатот Скопје – Велес. Причината за пожарот е човечки фактор.

Од МВР потврдија дека се приведени четири лица, кои се сомничат за подметнување на пожарот кој попладнево се случи во близина на велешкото езеро.

Четворицата осомничени пожарот го подметнале така што работеле со алат кој предизвикал искри и запалил дел од тревата.

Осомничените пробале да го изгаснат пожарот, но поради ветерот пожарот се проширил и настанал вистински хаос.

За страотната глетка сведочат и видео снимките објавени на социјалните медиуми, а поради силниот ветер, пожарот се прошири на огромна површина, поради што во опасност се нашле и неколку куќи, но и сите околни објекти околу езерото.

Во гаснењето на пожарот се вклучени 50 припадници на армијата, еден хеликоптер и два авиони од Дирекцијата за заштита и спасување, а во помош пристигнати се и пожарникари од Неготино и Кавадарци.