Пред домот на Меган Маркл и принцот Хари видено е возило на итната помош, па во јавноста се зборува дека кралското бебе веќе е дојдено на свет, пишуваат британските медиуми.

Возбудата во Велика Британија додатно порасна откако над нивната куќа е виден хеликоптер кои надлетувал неколку часа.

Знаеме дека бебето на пат, можеме да кажеме дека денеска е денот кога ќе дојде на свет кралското бебе. Денеска или утре. Тоа не е уште потврдено но прашање е само време, изјави вчера автор кој го следи животот на кралското семејство Крис Шип. 

Децата на Меган и принцот Хари нема да бидат принцови и принцези, туку ќе носат титули лорд или лејди.

Женските деца нема да ја наследат титулата „војводство“, затоа што традиционално таа им припаѓа само на машките наследници.
Нивните деца најверојатно ќе се презиваат Сасеск, односно тоа ќе биде презимето што ќе го користат кога ќе тргнат на училиште.

Децата на принцот Вилијам и војвотката Кејт Мидлтон го носат презимето Кембриџ, а Вилијам и Хари кога беа ученици го носеа презимето Велс, според титулата на нивните родители, принцот Чарлс и принцезата Дајана.