Подоцна вчера вечер директорот на болницата во Стара Загора рече дека седумнаесет повредени деца биле донесени за укажување помош

Автобус со српски регистарски таблички, во кој имало деца, се преврти вчера во Бугарија. Несреќата се случи во 8:10 часот на 217 километри од Софија, кај Стара Загора, јавува Нова.бг.

Според првичните податоци, нема загинати, а повредени се 12 лица – осум деца и четворица возрасни. Тие се транспортирани во болницата во Стара Загора, која е најблиску до местото на несреќата. Медиумите јавуваат дека едно дете и еден возрасен се тешко повредени.

Според тамошните медиуми, автобусот кој превезувал патници од одмор на Црното Море паднал во ендек, а причините за несреќата сè уште не се познати.

На местото на несреќата се испратени екипи на лекари од Нова и Стара Загора, противпожарни и полициски единици – пет екипи на противпожарната бригада и пет екипи на бугарското МВР.

На автопатот кон Софија бил создаден сообраќаен метеж од неколку километри, но бил направен коридор за возила за итни случаи.

Подоцна вечерва директорот на болницата во Стара Загора, Јовчо Јовчев, за БТА рече дека седумнаесет повредени деца биле донесени во болницата по несреќата на автопатот „Тракија“.

„Најмладиот има 6 години, најстариот 17 години. Тројца се со набиеници и гребници, а еден маж има потешка повреда на ногата изјави д-р Јовчев.