Патнички автобус се преврте вчера во Кочани, а најмалку 6 лица завршија во болница.

Се уште нема детални информации за несреќата која се случи вчера доцна попладнето, на самиот влез во Кочани.

Автобусот сообраќал од Штип кон Кочани, а според првичните податоци, до несреќата дошло кога возачот се обидел да избегне возило кое излегло пред него, при што изгубил контрола и излетал надвор од патот во шанец длабок 10-тина метри.

Две жени поради посериозни повреди се задржани во Општата болница, а другите петмина повредени се пуштени на домашно лекување.

Состојбата на повредените е стабилна и веќе е направен неопходниот медицински преглед и третман во хируршкото одделение.

– Околу 15:30 часот на нашето одделение беа донесени седум лица кои се пожалија на повреди здобиени при превртување на автобус во кој се наоѓале. При прегледот е констатирано дека кај една од повредените има скршеница на две ребра, а друга се здобила со исеченици. Тие се задржани за натамошна опсервација и третман. Кај другите пациенти имаше набиеници од ударот, но без посериозни последици, поради што ги пуштивме на домашно лекување, изјави вчера Томе Солевски, хирург во Општа болница – Кочани.

Повеќе информации се најавуваат за денеска.

Извор: Телевизија Стар