Утринава во чест на првиот македонец кој што го освои Монт Еврест, битолчанецот Димитар Илиевски-Мурато, планинари од државата и странство, организирани од планинарскиот спортски клуб-ПСК „Пелистер“-Битола, утрово учествуваа на традиционалниот планинарскиот марш.

Ова е убилеен 30-ти по ред, планинарски марш кој од Битола води до „Димев Врв“ на планината Баба што се наоѓа на неколку метри под врвот Пелистер, годинава учествуваат членови на македонските планинарски клубови, гости од странство и претставници на дипломатскиот кор.

-Според востановената традиција, на местото „Димев Врв“ денес околу 13 часот, еден планинар ќе потсети на алпинистичките успеси на Мурато, а учесниците ќе положат цвеќе на спомен бистата на Димитар Илиевски-Мурато што се наоѓа кај планинарскиот дом „Копанки“, најавија организаторите на јубилејниот планинарски марш.

Како што е предвидено во програмата, учесниците од првата група ќе се движат од Големо Езеро, преку Мало Езеро, Партизански Врв и Широко Стапало ќе стигнат до врвот Пелистер, а втората група планинари која ќе се движи од Палиснопје и Ловечка Куќа ќе стигне до врвот Пелистер.

Инаку овој јубилеен планинарскиот марш е организиран во чест на Димитар Илиевски-Мурато кој е првиот македоноец кој на 10 мај 1989 година се искачи и го освои највисокиот планински врв на Хималаите, но за жал, тој загина на враќање.

Како изгледаше тоа на врвот погледнете го видеото: