Денеска во јавноста се појави видео реконструкција на падот на приватниот хеликоптер на кошаркарската ѕвезда која трагично го загуби животот со уште 8 други лица.

Оваа видео реконструкција била направена вр основа на официјалните белешки од полицијата, изјавите на сведоците и разговорот со контролата на летање.

Не е откриен никаков дефект на хеликоптерот со кој загина Брајант на 26 ти јануари.

Хеликоптерот на Коби бил од типот, Сикорски С-76Б, направен во 1991 година и во медиумите беше објавено дека немал црна кутија. Хеликоптерот се срушил во местото Калабас, во Калифорнија.

Денеска националната агенција за безбедност во сообраќајот (НТСБ) објави прелиминарни резултати од истрагата на остатоците од урнатиот хеликоптер во кој загина Коби, неговата 13 годишна ќерка Џиана и уште седум други лица, и најави дека конечниот извештај за трагедијата ќе биде познат за една година.

Инаку вчера беше објавено и кога ќе биде погребан Брајант и останатите осум загинати во хеликоптерската несреќа.

Комеморацијата и погребот се закажани на 24-ти февруари во Лос Анџелес.

Како што пренесува „Си-Ен-Ен“, повикувајќи се на извори блиски на семејството на Брајант, комеморацијата ќе се одржи во „Стејплс Центар“ во кој кошаркарската ѕвезда цели две децении играше во дресот на „езерџиите“.